Mingəçevir Turizm Kollecində 6 noyabr 2024-cü il tarixində “Uşaq hüquqları aylığı” çərçivəsində “Uşaq hüquqlarının qorunması” mövzusunda tədbir həyata keçirilib.Tədbirdə kollecin ümumi təhsil fənn birliyinin sədri, tarix müəllimi Nuridə Zülfüqarova və hüquqşünas Qənimət Hüseynov çıxış ediblər. Nuridə Tanrıverdiyeva öz çıxışında 20 noyabr 1959-cu il Birləşmiş Millətlər Təşkilatının Baş Assambleyası tərəfindən qəbul edilmiş “Uşaq hüquqları Bəyannaməsi” və 1989-cu il 20 noyabr tarixində qəbul edilmiş “Uşaq hüquqları haqqında Konvensiya” barədə tarixi nüansları vurğulayıb. Daha sonra söz Mingəçevir Turizm Kollecinin hüquq müəllimi Qənimət Hüseynova verilib. Hüquqşünas hər il noyabrın 20-si bizə bir daha uşaq hüquqlarının üstün mühafizəsi prinsipini və uşaqların rifahı üçün hərəkət etməyin vacibliyini xatırlatdığını söyləyib. Həmçinin hüquqşünas 1989-cu il 20 noyabrında qəbul edilmiş “Uşaq hüquqları haqqında Konvensiya” sının fəsilləri və əsas maddələri haqqında tələbələri məlumatlandırıb.

Tədbirin gedişatında Mingəçevir Turizm Kolecininin tələbələrinin şəhər sakinlərindən götürdükləri müsahibə, videoçarx şəklində nümayiş etdirilib. Videoçarx nümayiş etdirildikdən sonra kollecin direktor müavini Aynurə Abbasova tələbələrlə maarifləndirici söhbət edib. Sonda müəllimlər və tələbələr bir masa arxasında uşaq hüquqlarının qorunması mövzusunda öz fikirlərini müzakirə ediblər.