Mingəçevir Turizm Kollecində 4 noyabr 2024-cü il tarxində Mingəçevir Şəhər Mərkəzi Xəstəxanasının terapistləri Təranə Paşayeva, Rəna Hacıyeva və psixoloq təlimçi Rıza Nəsirovun kollecin tələbələri ilə maarifləndirici görüşü həyata keçirilib. Paşayeva Təranə və Rəna Hacıyeva İİV-İnsanın İmmunçatışmazlığı virusu, QİÇS-Qazanılmış İmmunçatışmazlığı Sindromu kimi xəstəliklər və ondan qorunma üsulları, CD4, virus yükü, biopsiya, aninomlik məfhumları haqqında əsas anlayışları tələbələrə izah edib.

Mingəçevir Şəhər Mərkəzi Xəstəxanasının ictimai əlaqələr üzrə bölməsinin mütəxəsisi psixoloq Rıza Nəsirov öz çıxışında, tələbələrə tütün, alkoqol və narkotik maddələrin insanda, fiziki xəstəliklərdən əlavə, aslılıq, psixosomatik simptom, apatiya, depressiya, anksiyete kimi psixoloji xəstəliklərə səbəb olduğunu xüsusi olaraq vurğulayıb. Daha sonra tələbələrin marağına səbəb olan suallar psixoloq təlimçi və terapistlər tərəfindən cavablandırılıb.