Mingəçevir Turizm Kollecində 21 oktyabr 2024-cü il tarixində Mingəçevir Şəhər İcra Hakimiyyətinin İctimai-siyasi və hümanitar məsələlər şöbəsinin baş məsləhətçisi Səbirə Yusifli, Yetkinlik  Yaşına Çatmayanların İşləri və Hüquqlarının Müdafiəsi üzrə Komissiyasının məsul katibi Səbuhi Hüseynov, Mingəçevir Şəhər Polis şöbəsinin Azyaşlılar üzrə baş inspektor Teymur Baxışov, Azərbaycan Respublikası Prezdentinin müvafiq sərəncamına uyğun olaraq “Uşaqlara dair Strategiyanın həyata keçirilməsi üzrə 2020-2025-ci illər üçün Fəaliyyət Planı”nın 5.5.1. bəndinin icrası ilə əlaqədar “Təhsildən yayınma hallarının qarşısının alınması məqsədilə nəzarətin gücləndirilməsi” mövzusunda tələbələrlə görüşü həyata keçirilib.

Görüşdə uşaqların təhsildən yayınmasına səbəb olan faktorlar, təhsildən yayınan uşaqların erkən yaşda nikah hallarının artmasına şərait yaratması, bununla əlaqədar olaraq cəmiyyətin hər bir strukturunda yaşanan problemlər və bu problemlərin aradan qaldırılması ilə bağlı dövlətin gördüyü işlər haqqında məlumatlar verilib.

Maarifləndirici söhbətlərin fonunda Mingəçevir Şəhər İcra Hakimiyyətinin əməkdaşları Səbirə Yusifli və Səbuhi Hüseynov, Mingəçevir Şəhər Polis Şöbəsinin əməkdaşı Teymur Baxışov və Mingəçevir Turizm Kollecinin Həmkarlar İttifaqının sədri Canpolad Həmidov tələbələrin dərsdən yayınmasına səbəb olan faktorların aradan qaldırılması ilə bağlı bir sıra təkliflər irəli sürmüş və tələbələrdə təhsilə maraq yaradılması ilə bağlı maarifləndirici  tədbirlərin görülməsinin labüdlüyünü qeyd etmişdir.