Mingəçevir Turizm Kollecində 2024 – 2025-ci tədris ilinin yekunlarına dair Pedaqoji Şura iclası keçirilib.

İclasda ilk olaraq kollecin direktoru Kamal Əhmədov çıxış edərək tədris ili ərzində görülən işlər, əldə olunan nəticələr, dərs yükünün bölgüsü və təşkili, həmçinin kollecdə yeni ixtisasların açılması ilə bağlı pedaqoji heyətə ətraflı məlumat verib.

Daha sonra Tədrisdə Keyfiyyətin Təminatı şöbəsinin müdiri Samirə Abbasova çıxış edərək keyfiyyət göstəriciləri, tədris prosesində tətbiq olunan yeniliklər, 2024/2025-ci tədris ilinin yekun nəticələri və aparılmış monitorinqlərin nəticələri barədə təqdimatla çıxış edib.

Tədris şöbəsinin müdiri Ceyhun Abdullayev də çıxış edərək 2024/2025-ci tədris ilinin II yarımilində görülmüş işlər haqqında geniş məlumat verib.

 Sonda məruzələr ətrafında geniş müzakirələr aparılıb və müvafiq qərarlar qəbul edilib.