Mingəçevir Turizm Kollecində 2024-2025 – ci tədris ilinin məzun qruplarında 10 fevral 2025-ci il tarixdən İstehsalat təcrübəsi başlayıb. Təcrübənin ilk günü tələbələrlə kollecdə görüş keçirilib. Görüşdə ilk olaraq kollecin təcrübə rəhbəri Canpolad Həmidov çıxış edib, tələbələrə istehsalat təcrübəsinin məzmunu, məqsədi, vəzifələri və ümumi qaydaları, tələbə – praktikantların vəzifələri haqqında geniş və ətraflı məlumat verib. Çıxışların davamında kollecin hüquq məsləhətçisi Günel Musayeva tələbələrin təcrübə müddətində hüquq və öhdəlikləri haqqında maarifləndirici çıxış edib. Daha sonra kollecin Əməyin mühafizəsi və texniki təhlükəsizlik üzrə mühəndisi vəzifəsini icra edən Ağa Alıyev təcrübəyə göndərilən tələbələr üçün təhlükəsizlik təlimatı haqqında geniş təqdimat verib. Görüşdə həmçinin kollecin tibb qardaşı Nazim Allahverdiyev tələbələri ilkin tibbi yardım qaydaları ilə tanış edib. Tələbələrin sualları cavablandırılıb.