Mingəçevir Turizm Kollecində 2022-2023-cü tədris ili üçün Pedaqoji Şuranın sonuncu iclası keçirilib. İclası açıq elan edən kollecin direktoru Kamal Əhmədov gündəlikdə duran məsələləri diqqətə çatdırıb. İclasın gündəliyinə uyğun olaraq 2022/2023-cü tədris ili üzrə “Tədrisdə Keyfiyyətin Təminatı” şöbəsi, 2022/2023-cü tədris ilinin yekun yarımillik hesabatı, müəllimlərin monitorinqi, ümumi orta təhsil bazasında summativlərin vəziyyəti, yay məktəbinin təşkili, 2022-2023-cü tədris ilinin yaz imtahan sessiyasının vəziyyəti, Tədris şöbəsinin yarımillik hesabatı və digər cari məsələlər haqqında məruzələr dinlənilib.
Məruzələr ətrafında müzakirələr aparılıb, müvafiq qərarlar qəbul edilib.