Mingəçevir Turizm Kollecində 17 Mart 2025 -ci il tarixində “Musiqinin psixoloji rahatlığı” mövzusunda maraqlı və interaktiv, öyrədici seminar keçirilib. Təlimçi Elşən İsmayılov musiqinin insan psixologiyasına təsiri, onun stresi azaltmaq, yaddaşı gücləndirmək və emosional tarazlığı qorumaq baxımından əhəmiyyəti haqqında məlumat verib. O, müxtəlif musiqi janrlarının beyinə və emosional vəziyyətə necə təsir etdiyini izah edib. Müzakirələr nəticəsində musiqinin hər kəs üçün fərqli və unikal təsirə malik olduğu bir daha vurğulanıb.
Təlimin sonunda enerjili və əyləncəli “Keçmişə musiqili səyahət” oyunu keçirilib. Oyun zamanı iştirakçılar üçün Azərbaycan musiqi mədəniyyətinin incilərindən olan müxtəlif əsərlər səsləndirilib, tələbələrin vəzifəsi isə bu musiqiləri tanıyıb adlarını və bəstəkarlarını düzgün söyləmək olub. Xüsusilə, gənc nəsil üçün az tanınan bəzi retro musiqilər maraq doğurub və onlar bu musiqiləri daha yaxından araşdırmaq istədiklərini bildiriblər.
Bu oyun həm gənclərə musiqi biliklərini yoxlamaq, həm də milli musiqi irsimizlə daha yaxından tanış olmaq imkanı yaradıb.