Mingəçevir Turizm Kollecində 15 aprel 2026-cı il tarixində tələbələrin iştirakı ilə “Ailə daxili münaqişələr” mövzusunda profilaktik maarifləndirmə görüşü keçirilib.

Görüş zamanı kollecin psixoloqu Tamara Uğurluyeva çıxış edərək münaqişə anlayışına aydınlıq gətirib, onun yaranma səbəbləri və formalaşmasına təsir edən amillər barədə ətraflı məlumat verib. O, ailədaxili münaqişələrin əsasən emosional gərginlik, ünsiyyət çatışmazlığı və sosial-psixoloji faktorlar nəticəsində yarandığını vurğulayıb, həmçinin onların qarşısının alınması və düzgün idarə olunması yolları barədə tövsiyələr verib.

Daha sonra kollecin baş hüquqşünası Günel Musayeva çıxış edərək mövzuya hüquqi baxımdan yanaşıb, ailə münasibətlərini tənzimləyən qanunvericilik normaları, tərəflərin hüquq və vəzifələri, eləcə də hüquqi məsuliyyət məsələləri barədə geniş izah verib. Görüş çərçivəsində tələbələrlə fikir mübadiləsi aparılıb, onları maraqlandıran suallar cavablandırılıb.