Mingəçevir Turizm Kolleci publik hüquqi şəxsin və Job in Global şirkətinin birgə əməkdaşlığı çərçivəsində kollecin tələbələri üçün “Food and beverages – Yiyəcək və içəcək servisi” mövzusunda təlim keçirilib. Tələbələr tərəfindən böyük maraqla qarşılanan təlimdə Job in Global şirkətinin təsisçisi Ceyhun Sabirli və Premier Works şirkətinin direktoru Ali Hamza tələbələrə masa düzümü, masa düzümünə hazırlıq, servis və boşları toplamaq qaydaları, servis zamanı qonaqlarla davranış qaydaları, Fransa və Türkiyə ölkələrində servis təcrübələri, xarici təcrübənin ölkədə adaptasiyası kimi bir-birindən maraqlı mövzularda məlumatlar veriblər. Təlim qarşılıqlı müzakirələr fonunda həyata keçirilib. Daha sonra masa ətrafında praktiki olaraq standart masa servisi nümayiş etdirilib. Təlimçilər tələbələrin çoxsaylı suallarını cavablandırıblar.