Mingəçevir Turizm Kolleci publik hüquqi şəxsi ilə JobTürkiyə şirkəti arasında birgə əməkdaşlığa dair müqavilə  imzalanıb. Sənədi Mingəçevir Turizm Kollecinin direktoru Kamal Əhmədov və JobTürkiyə şirkətinin təsisçisi Rəşid Məmmədov imzalayıblar.

Görüş əsnasında kollecin hüquqşünası  Anar Yusifov tərəfindən təbələrimiz və valideynləri onların bağlanan müqaviləyə dair hüquqları , əməyin mühafizəsi və texniki təhkükəsizlik qaydaları barədə məlumatlandırılıb.

 Eyni zamanda tədris işləri üzrə direktor müavini Aynurə Abbasova çıxış edərək bildirdi ki, tələbələrin təcrübəsi MTK-nin müvafiq tədris proqramlarının tərkib hissəsidir: “Təcrübənin təşkili, həcmi, məqsədi və keçirilmə müddəti mütəxəssis hazırlığı  aparılan müvafiq ixtisaslar üzrə dövlət təhsil standartları ilə müəyyənləşdirilir”.

Bu proqramın əsas məqsədi tələbələrin Türkiyə Respublikasında otellərdə təhsillərində aldığı nəzəri bilikləri praktiki inkişafına yönəltmək və bu sahədə biliklərini inkişaf etdirmək olub. Görüşün sonunda tələbələrin və valideynləri maraqlandıran suallar “JobTürkiyə”-nin təsisçi direktoru tərəfindən ətraflı şəkildə cavablandırılıb.