İnnovasiya və Rəqəmsal İnkişaf Agentliyinin dəstəyi və SUP.VC şirkətinin təşkilatçılığı ilə Mingəçevirdə innovativ peşələrin təşviqinə dair panel müzakirə keçirilib.

Panel müzakirəsində ASAN İnnovativ İnkişaf Mərkəzinin müdir müavini Hasil Abbasov, Mingəçevir Turizm Kollecinin müəllimi Samir Zamanov, MDU-nun baş müəllimi Zaur Rəsulov çıxış edib. Onlar proqram çərçivəsində Mingəçevir və qonşu rayonların gəncləri ilə “Gələcəyin innovativ peşələri” mövzusunda maraqlı müzakirələr aparıblar. Həmçinin interaktiv debatlar təşkil olunub.