Azərbaycan Respublikası Prezidentinin sərəncamına əsasən hər il qeyd olunan “18 may – 18 iyun insan hüquqları aylığı ” çərçivəsində Mingəçevir Turizm Kollecində tələbələr üçün “İnsan hüquqları ” adlı maarifləndirici tədbir keçirilib . Tədbirdə tələbələrə insan və vətəndaş hüquqları haqqında geniş məlumat verən kollecin Baş hüquqşünası Anar Yusifov bildirib ki, insan hüquq və azadlıqlarının təmin edilməsi müasir dünyada demokratik inkişafın ayrılmaz hissəsinə çevrilməklə vətəndaş cəmiyyətinin başlıca meyarlarından biri sayılır. İnsan hüquqları ləyaqət, ədalət, bərabərlik, hörmət və müstəqillik kimi ortaq dəyərlərə əsaslanır. Bu dəyərlər qanunla müdafiə edilir və qorunur.

Çıxışları davam etdirən kollecin Həmkarlar İttifaqı Komitəsinin sədri Canpolad Həmidov “İnsan hüquqlarının müdafiəsinə dair Dövlət Proqramı ” haqqında məlumat verib.

İnsan resurslarının idarəolunması şöbəsinin müdiri Vüqar Bayramov insan hüquq və azadlıqlarının müdafiəsi istiqamətində həyata keçirilən dövlət siyasətindən danışıb.

Sonda tələbələrin sualları cavablandırıb.