4 noyabr 2026-cı il – Mingəçevir Turizm Kollecində Mərkəzi Aran Regional Gənclər və İdman İdarəsi ilə birgə “Şəhərsalma və Memarlıq İli”nə həsr olunmuş “Əsirlikdən qurtulan şəhərlər” adlı dəyirmi masa formatında görüş keçirilmişdir.

Görüşün əsas məqsədi işğaldan azad olunmuş ərazilərdə həyata keçirilən şəhərsalma, memarlıq, quruculuq və bərpa işlərinin əhəmiyyətini tələbələrin diqqətinə çatdırmaq, onların tarixi-mədəni irsə münasibətini formalaşdırmaq, milli yaddaş və Vətən sevgisi kimi dəyərləri təşviq etmək olmuşdur.

Müzakirələr zamanı Qarabağ və Şərqi Zəngəzur iqtisadi rayonlarında aparılan bərpa və yenidənqurma işlərinin yalnız infrastruktur layihələri deyil, həm də xalqımızın qayıdış arzusunun, milli iradəsinin və tarixi ədalətin təcəssümü olduğu vurğulanmışdır.

Şuşa, Ağdam, Zəngilan və Cəbrayıl şəhərlərinin tarixi-mədəni əhəmiyyəti, dağıdılmış yaşayış məntəqələrinin yenidən qurulması, mədəni irsin bərpası və doğma torpaqlarda həyatın dirçəldilməsi məsələləri ətrafında fikir mübadiləsi aparılmışdır.