Əziz həmkarlar!

Sizi 5 Oktyabr – Beynəlxalq Müəllimlər Günü münasibətilə ürəkdən təbrik edir, hər birinizə möhkəm cansağlığı, ailə səadəti, işinizdə yeni uğurlar və sonsuz ruh yüksəkliyi arzulayıram.

Müəllim olmaq sadəcə bir peşə deyil. Müəllim olmaq gənclərin həyatına toxunmaq, onların gələcəyinə istiqamət vermək, biliklə yanaşı, insani dəyərlər, məsuliyyət və vətənə bağlılıq aşılamaqdır. Öz bilik və bacarıqları ilə işıq saçan, gələcəyimizin memarları olan və bu şərəfli, məsuliyyətli missiyanı hər gün böyük fədakarlıqla yerinə yetirən kollektivimizin hər bir üzvünə dərin təşəkkürümü bildirirəm.

Mingəçevir Turizm Kollecinin qazandığı hər bir uğurun arxasında sizin əməyiniz, zəhmətiniz və peşəkarlığınız dayanır. Sizin auditoriyada söylədiyiniz hər bir söz, tələbələrə verdiyiniz hər bir bilik və göstərdiyiniz hər bir nümunə onların gələcəyinə qoyulan dəyərli sərmayədir.

İnanıram ki, birlik və həmrəylik içində qarşıya qoyduğumuz məqsədlərə bundan sonra da uğurla nail olacaq, kollecin adını və nüfuzunu daha da yüksəldəcəyik.

Əziz müəllimlər və dəyərli həmkarlarım,

Sizə bu şərəfli yolda daim uğurlar, tükənməz enerji və yeni nailiyyətlər arzulayıram. Yetişdirdiyiniz tələbələrin uğurları sizə ən böyük mükafat olsun!

Müəllimlər Gününüz mübarək!

Hörmət və dərin ehtiramla,

Mingəçevir Turizm Kollecinin direktoru

Kamal Əhmədov