Azərbaycan Dövlət İqtisad Universitetinin Zaqatala Filialının 10 illiyinə həsr edilmiş “Gənclərin inkişaf və liderlik zirvəsi – 2026” tədbirində Mingəçevir Turizm Kollecinin müəllim və tələbələri iştirak ediblər. Tədbir başlamazdan əvvəl Ulu Öndər Heydər Əliyevin və Azərbaycan Respublikasının ərazi bütövlüyü uğrunda canlarından keçmiş şəhidlərin əziz xatirəsi 1 dəqiqəlik sükutla yad olunub.

Tədbirin əsas məqsədi gənclərin şəxsi inkişafına dəstək olmaq, liderlik bacarıqlarının formalaşdırılmasına töhfə vermək və müxtəlif ali və orta ixtisas təhsil müəssisələri arasında əməkdaşlığın genişləndirilməsidir. Tədbir çərçivəsində müxtəlif təlimlər, panel müzakirələri və motivasiyaedici çıxışlar təşkil olunub. Tələbələrimizin belə maarifləndirici və inkişafyönümlü tədbirlərdə iştirakı onların bilik və bacarıqlarının artırılmasına, eləcə də gələcək peşəkar fəaliyyətlərinə müsbət təsir göstərir.