Mingəçevir Turizm Kolleci publik hüquqi şəxsi əhalinin məşğulluğunun artırılması və əmək bazarına inteqrasiyasına dəstək göstərmək məqsədilə təşkil olunan əmək yarmarkasında fəal iştirak edib. Tədbir Mərkəzi Aran Regional Məşğulluq Mərkəzinin filialı tərəfindən Mingəçevir Gənclər Evi Sosial Xidmət Müəssisəsinin qarşısında keçirilib. Çoxsaylı dövlət qurumları və özəl müəssisələrin iştirak etdiyi əmək yarmarkasında Mingəçevir Turizm Kollecinin İnsan Resursları şöbəsinin əməkdaşları tərəfindən şəhər sakinlərinə kollecdə mövcud vakansiyalar haqqında ətraflı məlumat verilib.