Mingəçevir Turizm Kollecinin “Mühasibat uçotu” və “Maliyyə işi”  ixtisaslarında təhsil alan 4 nəfər tələbəsi Kapital Bankın Mingəçevir şəhər filialında, 1 nəfər tələbəsi isə Bərdə şəhər filialında “Könüllülər – təcrübə proqramı”na cəlb olunublar. İyun ayında başlayan təcrübə proqramının oktyabr ayında başa çatması nəzərdə tutulur.

Tələbələrimiz təcrübə proqramı çərçivəsində mühasibatlıq, sənədlərlə iş, müştəri xidməti və digər bank əməliyyatları üzrə praktiki biliklərini artırmaq imkanı əldə ediblər.

Tələbələrimizin peşəkar bacarıqlarının formalaşmasında göstərdiyi dəstəyə görə Kapital Bank rəhbərliyinə və əməkdaşlarına təşəkkür edirik.