Mingəçevir Turizm Kollecində 2024/2025-ci tədris ilinin sonuna doğru buraxılış qruplarının istehsalat təcrübəsi üzrə müdafiəsi uğurla başa çatıb. Tələbələrimiz müxtəlif ixtisaslar üzrə Mingəçevir şəhərində yerləşən “Ağ Saray Deluxe Hotel ”, “Kür Olimpiya Tədris-İdman Mərkəzi ”, “River Side” otellərində, “Mingəçevir Gənclər Evi Sosial Xidmət Müəssisəsi”, “HTech İnvest MMC”, “Mingəçevir Tarix-Diyarşünaslıq Muzeyi”, Naftalan şəhərində yerləşən “Yeni Çinar Hotel Company”, “Yeni Naftalan Hotel Company” otellərində, eləcə də Şəki rayonunda yerləşən “BioGarden” aqro-ekoturizm təsərrüfatında istehsalat təcrübələrini uğurla başa vurduqları üçün komissiya qarşısında təcrübə hesabatlarını müdafiə ediblər. Müdafiədə kollecin rəhbərliyi, təcrübə rəhbərləri, ixtisas müəllimləri və müəssisə nümayəndələri, eyni zamanda Şəki Regional Turizm İdarəsinin rəisi Şahin Məlikov, Şəki Regional Turizm İdarəsinin əməkdaşı, blogger Fərid Mustafayev və idarənin digər əməkdaşları da iştirak ediblər.