8 Mart Beynəlxalq Qadınlar Günü-qadınların iqtisadi, ictimai və siyasi mübarizəsini, habelə qadınlara qarşı nəzakət, sevgi və məhəbbətin tərənnümünü ənənəvi hala gətirmiş bir bayramdır. Azərbaycanda qadınların hüquqlarının qorunması, onların ictimai fəallığının təşkili məsələsi Ulu öndərimiz Heydər Əliyev tərəfindən hər zaman diqqət mərkəzində saxlanılıb. Ulu öndər qadınlarla bağlı siyasətin gücləndirilməsini dövlətin mühüm, prioritet vəzifələrindən biri hesab edirdi. Ümummilli lider tərəfindən təməli qoyulan bu siyasət bu gün Prezidentimiz cənab İlham Əliyev tərəfindən də uğurla davam etdirilir. Bu gün ölkəmizdə qadınların hüquqları yüksək səviyyədə qorunur, onlar seçib-seçilmək hüququna malikdirlər. Bundan başqa, qadınlarımız yüksək postlarda, dövlət və qeyri-dövlət strukturlarında ölkəmizin maraqlarının qorunması istiqamətində fəaliyyətləri ilə seçilirlər. Bu məqamda Heydər Əliyev Fondunun prezidenti Azərbaycan Respublikasının birinci vitse-prezidenti Mehriban xanım Əliyevanın çoxşaxəli fəaliyyəti xüsusi qeyd olunmalıdır. Mehriban xanımın çoxşaxəli fəaliyyəti Azərbaycan qadını üçün bir nümunədir.Mingəçevir Turizm Kollecinin kollektivi bütün Azərbaycan xanımlarını təbrik edir, onlara möhkəm cansağlığı və bütün sahələrdə uğurlar arzu edir.Bayramınız mübarək əziz xanımlar.