5 dekabr 2025-ci il tarixində Mingəçevir Turizm Kollecində “Valideynlər Şurası”nın ilk iclası keçirilib. İclasın əvvəlində direktor Kamal Əhmədov valideynlərlə əməkdaşlığın tədris mühitini gücləndirdiyini, təhsil keyfiyyətinin yüksəlməsinə və tələbələrin sosial-psixoloji inkişafının daha effektiv şəkildə dəstəklənməsinə şərait yaratdığını qeyd edib. Valideynlər çıxışlarında kollec–ailə əməkdaşlığının genişləndirilməsinin, məlumat mübadiləsinin çevikliyinin artırılmasının və tələbələrin inkişafına dair monitorinqin birgə aparılmasının zəruriliyini vurğulayıblar. İclasın gedişatında səsvermə yolu ilə kollecin tədris işləri üzrə direktor müavini Aynurə Abbasova Şuranın sədri, baş hüquqşünas Günel Musayeva isə katib seçilib.

Eyni zamanda Şura sədri və katiblə yanaşı, əsasnamə maddələr üzrə müzakirə olunub, tərkib müəyyən edilib, iş planı təsdiqlənib. İclasın sonunda valideynlər kollecin tədris otaqları, laboratoriyaları, kitabxanası və digər tədris mühitləri ilə yaxından tanış olublar.