27 fevral 2026-cı il tarixində Mingəçevir Turizm Kollecində 1 Mart – Ümumdünya Mülki Müdafiə Gününə həsr olunmuş “Dayanıqlı və sabit gələcək naminə ekoloji risklərin idarə edilməsi” mövzusunda maarifləndirici tədbir keçirilib. Tədbirin əsas məqsədi müasir dövrdə ekoloji təhlükəsizlik məsələlərinin aktuallığını vurğulamaq, fövqəladə halların qarşısının alınması istiqamətində profilaktik tədbirlərin əhəmiyyətini diqqətə çatdırmaq və dayanıqlı inkişaf prinsipləri çərçivəsində risklərin effektiv idarə olunması mexanizmlərini tələbələrə izah etmək olub.

Tədbirdə çıxış edən mülki müdafiə qərargahının rəisi Ağa Alıyev ekoloji risklərin yaranma səbəbləri, onların sosial-iqtisadi nəticələri, eləcə də fövqəladə hallara hazırlıq səviyyəsinin artırılmasının zəruriliyi barədə geniş məruzə ilə çıxış edib. Sonda tələbələri maraqlandıran suallar cavablandırılıb, mövzu ətrafında fikir mübadiləsi aparılıb.