25 noyabr 2024-cü il tarxində Mingəçevir Turizm Kollecində II Qarabağ müharibəsində Azərbaycan Respublikasının ərazi bütövlüyü uğrunda qəhrəmancasına döyüşüb şəhadətə qovuşmuş şəhid Tural və Musa qardaşlarının “Gəlsənə dünyadan Bir Yerdə köçək” şeir kitabının təqdimatı həyata keçirilib.

Təqdimat zamanı ilk öncə Qarabağ müharibəsidə şəhid olmuş oğullarımızın əziz ruhları bir dəqiqəlik sükutla yad edilib. Daha sonra Azərbaycan Respublikasının Dövlət Himni səsləndirilib. Təqdimatın gedişatı zamanı ilk söz kollecin direktoru Kamal Əhmədova verilib. K.Əhmədov öz çıxışında Mingəçevir Turizm Kollecinin keçmiş məzunları olmuş şəhid Tural və Musa qardaşlarının həyat yolunun gənc nəsillərə bir örnək olduğunu söyləyib. Şəhid qardaşlarının timsalında bütün şəhidlərin müqəddəs ruhlarının daima yad edilməsini bizə məsləhət bilib. Bunun bizim vətəndaşlıq borcumuz olduğunu qeyd edib.

Həmçinin “Gəlsənə dünyadan Bir Yerdə köçək” şeir kitabının təqdimatı keçirilən tədbirdə Mingəçevir Şəhər İcra Hakimiyyətinin nümayəndəsi Seymur Hidayətova söz verilib. S. Hidayətov hal-hazırda Azərbaycan Respublikasının ərazi bütövlüyünü təmin edən “Birinci Qarabağ” müharibəsindən bu günə kimi “Aprel döyüşləri”, “İkinci Qarabağ” müharibəsi və “Antiterror” əməliyyatlarında iştirak etmiş, şəhadətə qovuşmuş şəhidlərinin sayəsində olduğunu və onların hər birinin qarşısında baş əydiyini öz çıxışında qeyd edib.

Tədbirdə daha sonra Tural və Musa qardaşlarının anası Nəhayət Həsənova tribunaya dəvət edilib. Ana övladlarının təhsil aldığı kollecin tələbələrinə üzünü tutaraq, gənclərin daima vətənpərvər ruhda tərbiyə almalarını məsləhət bilib. Bununda başlanğıcının təhsil müəssisələrində qoyulduğunu dilə gətirib. Həmçinin Nəhayət Həsənova 2024-cü ildə Tural və Musa qardaşlarına aid iki kitabın çap olunduğunu və bu kitabların təhsil müəssisələrində dərslik vasitəsi kimi istifadə edilməsini arzulayıb.

Həmçinin şəhid Musanın qızı Rüqəyyada şəhidlərlə bağlı şeir söyləyib. Sonda isə Mingəçevir Turizm Kollecinin direktoru, şəhid Tural və Musa qardaşlarına məxsus olan attestatları onların ev muzeyində sərgilənməsi üçün Nəhayət anaya təqdim edib.