23 aprel 2025 – ci il tarixində Mingəçevir Turizm Kollecində müəllimlər üçün “Hitech İnvest MMC” şirkətinin icraçı direktoru Orxan Nadirov tərəfindən ustad dərsi keçirilib. Dərsin məqsədi müəllimlərin müasir ofis proqram təminatları üzrə bilik və bacarıqlarını artırmaq olub. Orxan Nadirov müəllimlərə Microsoft Word proqramında dərs planları və metodik materialların hazırlanması, avtomatik cədvəllər və məzmun siyahılarının tərtib olunması, Microsoft Excel proqramında şagird nəticələrinin qeydiyyatı və təhlili, qiymətləndirmə cədvəllərinin hazırlanması, Microsoft PowerPoint proqramında interaktiv slaydların hazırlanması, multimedia elementlərindən istifadə və təqdimat dizayn prinsipləri haqqında praktiki məlumatlar verib. Təşkil olunmuş ustad dərsi müəllimlərimizin informasiya texnologiyaları alətlərini daha effektiv şəkildə istifadə etmələrinə və tədris metodlarını modernləşdirmələrinə şərait yaradacaq.