21 noyabr 2025-ci il tarixində Mingəçevir Turizm Kollecində tələbələr üçün xüsusi və məzmunlu dərs təşkil olunub. Muğla Sıtkı Koçman Universiteti Turizm Menecmenti Araşdırma və Tətbiqi Mərkəzinin müdiri, dosent Dr. Senem Yazıcı Yılmaz Turizm fənn birləşməsi komissiyasının müəllimi Kənan Abbasovun təşəbbüsü ilə qonaq müəllim qismində dərsdə iştirak edib. Dosent Dr. Senem Yazıcı Yılmaz turizm sahəsindəki təcrübəsi və elmi bilikləri əsasında tələbələrə müasir menecment yanaşmaları və praktik nümunələr təqdim edib. İnteraktiv formada təşkil olunmuş dərsdə tələbələr mövzunu daha dərindən mənimsəyib, turizm menecmentində rast gəlinən real situasiyalar üzərində müzakirələr aparıblar. Bu görüş tələbələr üçün həm maarifləndirici, həm də motivasiyaedici olub. Mingəçevir Turizm Kollecinin kollektivi adından dosent Dr. Senem Yazıcı Yılmaz xanıma təqdim etdiyi faydalı və məzmunlu dərs üçün təşəkkür edirik.