2024-cü il fevral ayının 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kompaniyası çərçivəsində yanvarın 30 – da Mingəçevir Turizm Kollecinin əməkdaşları ilə görüş keçirilib.

Görüşdə YAP Mingəçevir şəhər təşkilatının sədri Bəxtiyar Mustafayev, Milli Məclisin deputatı Aydın Mirzəzadə, təşviqat qrupunun üzvləri Kamal Əhmədov və Ədalət Quliyeva çıxış ediblər.

Çıxışlarda müasir tariximizə möhtəşəm 20 il kimi yazılan ötən dövürdə Ulu Öndər Heydər Əliyevin əsasını qoyduğu, Prezident İlham Əliyevin inkişaf etdirərək yeni geosiyasi şərtlərə uyğunlaşdırdığı siyasət nəticəsində Azərbaycan Respublikasının misilsiz inkişaf yolu keçdiyi vurğulanıb. Bildirilib ki, Məhz Prezident İlham Əliyevin düşünülmüş və məqsədyönlü siyasəti nəticəsində bu gün Azərbaycan qlobal proseslərin mənfi təsirindən minimum itkilərlə çıxan azsaylı ölkələrdən biri olmaqla yanaşı beynəlxalq əhəmiyyətli strateji, enerji, nəqliyyat, logistika və kommunikasiya qovşağına, investorların maraq mərkəzinə çevrilmişdir.

Natiqlər bildiriblər ki, gələcək inkişaf konsepsiyasının uğurlu icrası üçün növbəti dövrdə də İlham Əliyevin ölkəmizə rəhbərlik etməsi olduqca zəruridir.