19 dekabr 2024-cü il tarixində Azərbaycan Respublikası Elm və Təhsil Nazirliyinin № 3-29/3-2-766F/2024 əmri ilə Mingəçevir Turizm Kollecində yeni yaradılmış imtahan qərargahının  iclası həyata keçirilib. Kollecin direktoru Kamal Əhmədov çıxışında imtahanların şəffaf və ədalətli şəkildə keçirilməsinin vacibliyini vurğulamış, müəllimlərdən imtahan prosesində diqqətli və məsuliyyətli olmalarını tələb etmişdir. O, bu yanaşmanın həm tələbələrin biliklərinin obyektiv qiymətləndirilməsinə, həm də ümumi təhsil kefiyyətinin yüksəldilməsinə töhfə verəcəyini qeyd edib. İmtahanların vaxtının müəyyən edilməsi və keçirilmə qaydaları, qiymətləndirmə meyarları haqqında müzakirələr aparılıb. Həmçinin imtahanla bağlı potensial problemlər və onların həlli yolları, texniki avadanlıqların və imtahan materiallarının hazırlanması eləcə də işçi heyətinin təyin edilməsi ilə bağlı məsələlər də iclasın  gündəliyində yer alıb.