15 noyabr 2024-cü il tarixində Azərbaycan Respublikasının Dövlət Turizm Agentliyi Mingəçevir Turizm Kollecinin rəhbərliyi ilə Azərbaycan Vətən Müharibəsi Veteranları İctimai Birliyinin nümayəndə heyətinin görüşü həyata keçirilib. Azərbaycan Vətən Müharibəsi Veteranları İctimai Birliyi Mingəçevir Turizm Kollecinin direktoru Kamal Əhmədova təhsilin keyfiyyəti və şəffaf idarə olunması sistemindəki fəaliyyətinə və güzəştli təbəqədən olan tələbələrə göstərdiyi diqqət və qayğıya görə təşəkkür ediblər. Görüşdə həmçinin Mingəçevir Turizm Kollecinin və Azərbaycan Vətən Müharibəsi Veteranları İctimai Birliyinin gələcəkdə birgə əməkdaşlığı haqqında müzakirələr aparılıb.