15 noyabr 2022-ci il tarixində  FHN-nin Dövlət Yanğın Nəzarəti Xidmətinin Aran regional Dövlət Yanğın Nəzarəti İdarəsinin əməkdaşları  Mingəçevir Turizm Kollecində yanğın təhlükəsizliyinə dair təlim keçirib. FHN-nin müvafiq canlı qüvvə, texnika və avadanlıqlarının cəlb edildiyi təlimdə məqsəd kollec kollektivinə yanğın təhlükəsizliyi qaydalarının, o cümlədən yanğın zamanı təxliyyə qaydalarının aşılanması olub.

Təlimdən əvvəl kollec heyətinə yanğın təhlükəsizliyinə, eləcə də yanğın zamanı təxliyəyə dair müvafiq maarifləndirici məlumatlar verilib. Tələbələr bu mövzuda öz suallarını ünvanlayıblar.

Təlim uğurla başa çatıb və qarşıya qoyulmuş məqsədlərə nail olunub.