Azərbaycan Respublikası Təhsil Nazirliyi və Gənclərin Respublika Bədii Yaradıcılıq Evinin birgə təşkilatçılığı ilə Azərbaycan Respublikasının regionlarında və Bakı şəhərində fəaliyyət göstərən orta ixtisas və peşə təhsili müəssisələrinin tələbələri arasında Ulu öndər Heydər Əliyevin 99- cu ildönümünə həsr olunmuş “Sən elə bir zirvəsən” adlı Respublika ifa müsabiqəsinin Gəncə Musiqi Kollecində keçirilən ikinci mərhələsində hər üç kateqoriya üzrə Mingəçevir Turizm Kollecinin tələbələri iştirak edib. Şeir nominasiyası üzrə iştirak edən 11 orta ixtisas və peşə təhsili müəssisələrini təmsil edən tələbələr arasında kollecin tələbəsi Hidayətova Rəvanə Fuad qızı ikinci yerə layiq görülərək, Bakı şəhərində təşkil olunmuş müsabiqənin üçüncü mərhələsində iştirak etmək üçün vəsiqə qazanıb. Rəqs nominasiya üzrə ümumilikdə 20-dən çox rəqs nümayiş olunub və kollecin rəqs qrupu “Arşın mal alan” rəqsini nümayiş etdirərək üçüncü yerə layiq görülüb.