Respublika gününə həsr olunmuş yarışda Mingəçevir Turizm Kollecinin Tələbə Gənclər Təşkilatı aktiv fəaliyyət göstərib
28 may 2022-ci il tarixində Mingəçevir Turizm Kollecinin tədbirlər planına uyğun olaraq Mingəçevir Gənclər Evində 28 may Respublika gününə həsr olunan “Tariximi yaradanlar, yaşadanlar” adlı Xəmsə formatlı intellektual yarış keçirilib.
Mingəçevir Turizm Kolleci tərəfindən həyata keçirilən yarışın məqsədi Müsəlman Şərqinin ilk demokratik respublikası olan Azərbaycan Xalq Cumhuriyyətinin İslam dünyasında ilk Parlamentli Cumhuriyyət və hüquqi, dünyəvi dövlət nümunəsi kimi formalaşmasını gələcək nəsillərə ötürməkdir.
Respublika gününə həsr olunmuş yarışda Mingəçevir Turizm Kollecinin Tələbə Gənclər Təşkilatı aktiv fəaliyyət göstərib. Turnirdə ümumilikdə 4 komanda olmaqla 25-ə yaxın tələbə iştirak edib. Maraqlı və eyni zamanda gərgin mübarizə ilə yadda qalan yarışda “CHE” komandası birinci yerə sahib olub.
Mingəçevir Turizm Kollecinin tələbələrinin son zamanlarda intellektual sahədə göstərdikləri uğurlar, onların istək və təkliflərini nəzərə almaqla bu kimi layihələrin davamlı təşkili nəzərdə tutulub.
