Müstəqil və suveren Azərbaycanın şanlı tarixinə qanla həkk olunmuş 20 Yanvar faciəsindən 35 il ötür.
Mingəçevir Turizm Kollecində 20 Yanvar faciəsinin həqiqətlərinin gələcək nəsillərə ötürülməsi məqsədilə xüsusi dərslər keçirilib. Dərslərdə 20 Yanvar şəhidlərinin əziz xatirəsi bir dəqiqəlik sükutla yad edilib, qəhrəman xalqımızın milli istiqlaliyyət uğrunda apardığı mübarizə haqqında məlumat verilib, Azərbaycanın suverenliyi və azadlığı uğrunda mübarizəyə qalxmış dinc sakinlərə qarşı sovet qoşunlarının törətdiyi cinayətləri əks etdirən videoçarx nümayiş etdirilib.
Daha sonra kollecin kollektivi və tələbələri Mingəçevir şəhər Şəhidlər xiyabanınında yerləşən, “20 Yanvar abidəsi”ni ziyarət edərək abidənin və şəhidlərin məzarı üzərinə güllər düzüblər. Kollektiv abidənin önündə hörmət duruşu nümayiş etdirib, şəhidlərimizin əziz ruhuna ehtiramlarını ifadə ediblər.