Azərbayacana məhəbbət,milli-mənəvi dəyərlərimizə hörmət, milli birlik, vətənə bağlılıq hisslərini gənclərə və yeniyetmələrə aşılamaq məqsədi ilə Mingəçevir Turizm Kollecinin və Mingəçevir Gənclər Evinin üzvlərinin təşkilatçılığı ilə uşaq və gənclər arasında Azərbaycan dövlətinin qurucusu, Ümummilli lider Heydər Əliyevin anadan olmasının 100 illik yubileyinə həsr olunmuş “Müasir Azərbaycanın memarı” adlı vətənpərvərlik mövzusunda əsasnaməni qəbul edərək rəsm müsabiqəsini elan edir. Müsabiqənin məqsədi uşaq və gəncləri vətənpərvərlik və dövlətçiliyə sədaqət ruhunda tərbiyə etmək, onlara yüksək mənəvi-əxlaqi keyfiyyətləri aşılamaq, milli mədəniyyətimizə və incəsənətimizə marağı artırmaq, rəssamlıq və əl bacarıqlarına malik istedadlı uşaq və gənclərin qabiliyyətlərini üzə çıxarmaqdır.

Müsabiqənin şərtləri:

●Müsabiqəyə vətənpərvərlik mövzusunda, həmçinin doğma diyar Azərbaycanı tərənnüm edən fikir və ideyaları özündə birləşdirən rəsmlər qəbul edilir.

-Müsabiqəyə təqdim olunan rəsm əsərləri A2, A3 ölçüdə işlənməlidir;

-Rəsmlərin işlənmə texnikası sərbəstdir (akril,sulu boya,quas yaglı boya,akvarel, və s);

– İnternet üzərindən köçürülən rəsmlər qəbul edilmir;

-Rəsm işlərini təqdim edərkən məlumatlar blank formasına uyğun şəkildə qeyd edilməlidir;

-İştirakçı haqqında məlumatlar blank formasına uyğun doldurulmalıdır;

-Rəsm işlərini seçərkən müəllifin yaşı, mövzu, düzgün kompozisiya və texnikası nəzərə alınacaq;

– Müsabiqədə hər bir müəllif bir rəsm ilə qatıla bilər;

– Müsabiqədə qalib olan I,II,III yerlərin rəsmləri geri qaytarılmır;

– Müsabiqəyə göndərilən rəsmlər çərçivədə olmalıdır;

– Rəsmlər Mingəçevir Gənclər Evinə və ya  Mingəçevir Turizm Kollecinin nəzdində fəaliyyət göstərən “Karyera və kommunikasiya şöbəsi”nə təqdim olunmalıdır;

– Müsabiqənin şərtlərinə uyğun olmayan rəsmlər qəbul olunmur;

#azərbaycanturizmagentliyi #uluöndər #müsabiqə #azərbaycan #solo #şer #tələbə