Mingəçevir Turizm Kollecinin Ümummilli lider Heydər Əliyevin 100 illik yubileyi ilə əlaqədar hazırlanmış tədbirlər planına əsasən 28.03.2023-cü il tarixində tələbələrin Heydər Əliyev irsinin dərindən öyrənilməsi məqsədilə “Heydər Əliyev və Azərbaycançılıq məfkurəsi” mövzusunda nəzəri konfrans keçirilib.

Kollecin müəllimləri tərəfindən tələbələrə Azərbaycan tarixinin və Ümummilli lider Heydər Əliyevin həyat və fəaliyyətininin müxtəlif dönəmləri barədə ətraflı məlumat verilib. Konfransı giriş sözü ilə kollecin direktoru Kamal Əhmədov açıb. O, bildirib ki, Ümummilli lider Heydər Əliyev Azərbaycana rəhbərlik etdiyi dövrlərdə həmişə xalqımızın milli-mənəvi dəyərlərinin qorunmasına, milli mədəniyyətimizin inkişafına, xalqın adət- ənənələrinin zənginləşdirilməsinə çalışıb.

Daha sonra kollecin Tədris işləri üzrə direktor müavini Aynurə Abbasova “Ulu Öndərin əsasını qoyduğu azərbaycançılıq məfkurəsi milli ideologiyasının əsasıdır”, Ümumtəhsil fənnlər birliyinin sədri Nuridə Zülfüqarova “Ulu Öndər Heydər Əliyev müstəqil dövlətimizin memarı və qurucusudur”, Turizm fənn birliyinin sədri Samir Zamanov “Ulu Öndər Heydər Əliyevin Turizm sektorunun inkişafı üçün töhfələri”, kollecin pedaqogika və psixologiya fənn müəllimi Kamilə Həsənova “Heydər Əliyev dünya azərbaycanlılarının birləşdirici lideridir” mövzularında çıxış ediblər.