Mingəçevir Turizm Kollecində 30 Sentyabr 2024 – cü il tarixində Mingəçevir Şəhər İcra Hakimiyyəti ilə birgə Azərbaycan Respublikasının Prezidenti cənab İlham Əliyevin 27 noyabr 2020-ci il tarixli Sərəncamı ilə təsdiq edilmiş “Azərbaycan Respublikasında məişət zorakılığı ilə mübarizəyə dair 2020-2023-cü illər üçün Milli Fəaliyyət Planı” nın icrası ilə əlaqədar maarifləndirici tədbir keçirilib. “Məişət zorakılığının qarşısını alaq” devizi altında keçirilən tədbirdə Mingəçevir şəhər İcra Hakimiyyətinin İctimai-siyasi və humanitar məsələlər şöbəsi müdirinin müavini Elşən Əliyev ölkə Prezidenti cənab İlham Əliyevin tapşırığına və imzaladığı sərəncamlarına əsasən gənc nəslin layiqli vətəndaş kimi formalaşması üçün həyata keçirilən tədbirlər haqqında məlumat verib. Mingəçevir Şəhər İcra Hakimiyyətinin Yetkinlik yaşına çatmayanların işləri və hüquqlarının müdafiəsi üzrə komissiyanın məsul katibi Səbuhi Hüseynov, İcra Hakimiyyətinin başçısı aparatının İctimai-siyasi və humanitar məsələlər şöbəsinin baş məsləhətçisi Azər Hüseynov, polis şöbəsinin İctimai-nəzarət şöbəsinin rəisi Rasim Mahmudov çıxış edərək məişət zorakılığının fəsadları, məişət zorakılığından əziyyət çəkənlərin müraciət etməli olduğu dövlət orqanları, dövlət qurumlarının üzərinə düşən vəzifələr haqqında tələbələri maarifləndiriblər. Yekunda Kollecin Həmkarlar İttifaqının sədri Canpolad Həmidov çıxış edərək kollecdə bu tip maarifləndirici tədbirlərin keçirilməsinə xüsusi diqqət ayrıldığını qeyd edib. Tələbələrin savadlı olmaqla yanaşı , eyni zamanda humanist insan kimi formalaşmasının təhsil müəssisəmizin əsas prioritetlərindən biri olduğunu vurğulayıb.

Tədbirin gedişatında tələbələrin sualları cavablandırıb.