Mingəçevir Turizm Kollecində 30 aprel 2025-ci il tarixində tələbələrin məlumatlılıq səviyyəsinin artırılması məqsədi ilə “Yeniyetmələr arasında erkən nikahın və yaxın qohumlar arasında nikahın mənfi nəticələri” mövzusunda dəyirmi masa ətrafında görüş keçirilib. Görüşdə kollecin psixoloqu Tamara Uğurluyeva tələbələrə erkən nikahın psixoloji fəsadları – emosional yetkinliyin olmaması, təhsil və karyera imkanlarının məhdudlaşması, sosial təcrid, psixoloji zorakılıq riski barədə məlumat verib. Daha sonra çıxış edən kollecin hüquq məsləhətçisi Günel Musayeva bildirib ki, bu günkü görüşün məqsədi erkən və qohum nikahlarının cəmiyyətdə və fərdlərin həyatında yaratdığı fəsadları izah etmək və tələbələri yaranacaq risklər haqqında maarifləndirməkdir. Həmçinin, onu da qeyd edib ki, Mülki Məcəlləyə və Ailə Məcəlləsinə əsasən, yaxın qohumlar arasında nikah bağlanması qadağan olunub. Görüşün sonunda mövzuya uyğun videoçarx nümayiş etdirilib.