Mingəçevir Turizm Kollecində 26 dekabr 2025-ci il tarixində Mingəçevir Şəhər İcra Hakimiyyətinin təşkilatçılığı ilə “Narkotikə yox de” layihəsi çərçivəsində “Öz həyatının qəhrəmanı ol” adlı maarifləndirici görüş keçirilib. Görüşdə ilk olaraq Mingəçevir Şəhər İcra Hakimiyyəti başçısı aparatının ictimai-siyasi və humanitar məsələlər şöbəsinin müdir müavini, Mingəçevir şəhərində narkomanlığa və narkotik vasitələrin qanunsuz dövriyyəsinə qarşı mübarizə üzrə komissiyanın katibi Elşən Əliyev çıxış edərək qeyd edib ki, narkomanlığın və digər zərərli vərdişlərin qarşısının alınması məqsədilə şəhərin müxtəlif təhsil müəssisələrində və ictimai qurumlarında mütəmadi olaraq görüşlər keçirilir, eləcə də genişmiqyaslı maarifləndirici tədbirlər və izahlı söhbətlər aparılır.

Narkomanlığa və narkotik vasitələrin qanunsuz dövriyyəsinə qarşı mübarizə üzrə Dövlət Komissiyasının daimi fəaliyyət göstərən işçi qrupunun sədr müavini Tanrıverdi Aydınov, Gənclərin Antinarkomaniya İctimai Birliyinin psixoloqu Billur Məmmədova, Gənclərin Antinarkomaniya İctimai Birliyinin Mingəçevir şəhər filialının sədri Nargilə Kərimova, sədr müavini və Mingəçevir Turizm Kollecinin müəllimi Mahnur Ömərova, narkoloq həkim Eldar Mustafayev çıxış edərək gənclərə tövsiyələr veriblər, narkomaniyanın aludəçilərlə yanaşı ailə üzvlərinə və əzizlərinin həyatına dəhşətli zərbə vurduğunu, məhv etdiyini qeyd edərək hər cür pis vərdişlərdən uzaq olmağa çağırıblar. Görüşdə tələbələrin sualları cavablandırılıb, məsləhətlər verilib, bukletlər paylanılıb.

Sonda sual-cavab prosesində fəallıq göstərən tələbələr sertifikatlarla təltif edilib.