Mingəçevir Turizm Kollecində 2024 -cü ildə təhsillərini başa vuran tələbələrin “Məzun günü” tədbiri keçirilib. Tədbirdə müxtəlif dövlət qurumlarının əməkdaşları, sahibkarlar, iş adamları, turizm sektorundan olan mütəxəssislər, kollecin müəllim və tələbə kollektivi iştirak edib.

Tədbirdə Ümummilli lider Heydər Əliyevin və respublikamızın ərazi bütövlüyü, suverenliyi uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib. Azərbaycan Respublikasının Dövlət Himni səsləndirilib.

Salamlama nitqi ilə çıxış edən kollecin direktoru Kamal Əhmədov tədbirdə iştirak etdikləri üçün qonaqlara təşəkkür edib. Kollecin fəaliyyəti dövründə əldə olunan uğurlar, əməkdaşlıqlar və əlaqələr haqqında məlumat verib. Çıxışında məzunları təbrik edən direktor, onlara gələcək fəaliyyətlərində uğurlar arzulayıb. Ölkəmizdə təhsilə və elmə göstərilən dövlət qayğısından danışıb. Müasir Azərbaycanın inkişafında gənclərin rolunu xüsusi vurğulayıb. Tələbələrin vətənə layiqli övlad kimi xidmət edəcəklərinə, təhsil aldıqları kollecin adını daim ləyaqətlə ucaldacaqlarına inamını bildirib.

Qonaqlara təşəkkürnamələr təqdim edilib.

Kollecdə tədrisin keyfiyyətli təşkilində dəstəyə görə Gəncə Regional Turizm İdarəsinin müdiri Zaur Bayramova, Mingəçevir Regional Turizm İdarəsinin rəisi Fariz Qarayevə, Tələbələr arasında sağlam həyat tərzinin və idmanın təbliğində dəstəyə görə Mərkəzi Aran Regional Gənclər və İdman İdarəsinin rəisi Azad Gözəlova, Tələbələrin siyasi dünya görüşünün formalaşması və vətənpərvərlik hisslərinin aşılanmasında göstərdiyi dəstəyə görə YAP Mingəçevir şəhər təşkilatının sədri Bəxtiyar Mustafayevə, Tələbələrin asudə vaxtlarının səmərəli təşkilində göstərdiyi dəstəyə görə Gənclər Evi Sosial Xidmət Müəssisəsinin rəhbəri Tural Kərimova, Tədrisin keyfiyyətli təşkilində göstərdiyi dəstəyə görə “Bio Garden” aqroturizm məkanının direktoru Etibar Nuriyevə, “DEKA cənnət bağı” şirkətlər qrupu Ağsaray otelin direktoru Qurban Əzizova, “River Side” otelinin direktoru Elşən Muradova, Kür Olimpiya Tədris İdman Mərkəzinin direktoru Ceyhun Mirzəyevə, Mingəçevir Şəhər Gənclər və Yaradıcılıq Mərkəzinin direktoru Ədalət Quliyevaya, Mingəçevir Tarix Muzeyinin direktoru Nofər Məmmədəliyevə, “Hitech İnvest MMC ” nin direktoru Lətif Məhərrəmova təşəkkürnamələr təqdim olunub.

Daha sonra Təhsil Proqramını müvəffəqiyyətlə başa vuran, akademik göstəriciləri yüksək olan və fəallığı ilə seçilən məzunlara kollecin rəhbərliyi tərəfindən fəxri fərmanlar verilib.