Mingəçevir Turizm Kollecində 14 aprel 2025-ci il tarixində tələbələrlə “Əsas həyat bacarıqları” mövzusunda qrup müzakirəsi aparılıb. Tələbələrin problem həll etmə, qərar qəbul etmə, fəal dinləmə və qarşılıqlı təsiretmə bacarıqlarını müəyyən etmək məqsədilə kollecin psixoloqu Tamara Uğurluyeva tərəfindən təşkil olunmuş müzakirələr interaktiv və qarşılıqlı fikir mübadiləsi formatında keçirilib. Tələbələr kiçik qruplar şəklində təşkil olunaraq şəxsi bacarıqlarını üzə çıxarmağa yönəlmiş sualları cavablandırıblar. Qrup üzvləri arasında aparılan aktiv fikir mübadiləsi nəticəsində qarşılıqlı öyrənmə mühiti formalaşıb. Keçirilən rollu oyunlar zamanı tələbələrin ixtisaslarına uyğun rollar verilib və onlardan konkret situasiyanı idarə etmək tələb olunub. Nəticədə iştirakçıların şəxsiyyətlərarası ünsiyyət bacarıqları və düşünmə bacarıqları qiymətləndirilib.