Mingəçevir Turizm Kollecində müəllim və tələbələrlə birgə 18 Oktyabr Müstəqilliyin Bərpası Günü ilə bağlı “Heydər Əliyev və müstəqil Azərbaycan” mövzusunda disput keçirilib. Tədbirdə “Tarix yazan əbədiyaşar lider: Heydər Əliyev”, “Ulu öndər Heydər Əliyev- tarix yazan tarixi şəxsiyyətdir”, “Azərbaycançılıq ideologiyası və mənəvi dəyərlər”, “Azərbaycanda turizmin inkişafı Heydər Əliyevin adı ilə bağlıdır”, “İşğaldan azad olunmuş torpaqlarda turizmin inkişafı: Heydər Əliyevin izi”, “Mədəni irs turizmində Heydər Əliyevin rolu”, “Azərbaycan tarixində Heydər Əliyev imzası”, “Heydər Əliyev və Müasir Azərbaycan” mövzularında geniş müzakirələr aparılıb. Ümummilli lider, dahi şəxsiyyət Heydər Əliyevin dünyanın ictimai, siyasi axarını öz arxasınca yönəldə bilən böyük bir dövlət xadimi olması bir daha vurğulanıb. Tədbir Heydər Əliyevin reallıqlara söykənən və xalqın mənafeyinə xidmət edən ideyaları haqqında maraqlı müzakirələr fonunda davam edib.
Tədbir müəllim və tələbələr tərəfindən maraqla qarşılanıb.