Mingəçevir Turizm Kollecinin Karyera və kommunikasiya şöbəsinin təşkilatçılığı ilə karyera məsləhətçiləri 2023-cü il fevralın 13-də tələbələrimiz ilə karyera planlamasının ilkin mərhələləri, CV-nin hazırlanması və iş müsahibəsinə hazırlıq barədə görüş keçiriblər. Görüşün ilk hissəsində, CV hazırlama prosesində, adətən, yol verilən səhvlər müzakirə olunub, daha sonra isə əsas məzmununun nələrdən ibarət olmalı olduğu barəsində tələbələrə ətraflı izahat verilib. Gənclərin peşəkar karyera və şəxsi inkişafının təmin olunması üçün onlara özünütəqdimetmə, düzgün CV hazırlanma qaydaları, tələb olunan mütəxəssis keyfiyyətləri kimi vacib nüanslar təqdim edilib. Tələbələr arasında iş müsahibəsi simulyasiyası yaradılaraq ən çox edilən səhvlər izah edilib və real təqdimat nümunələri göstərilib.

Sonda müraciət edən tələbələrimizə CV hazırlanıb, uyğun vakansiyalar araşdırılaraq göndərilib.

#mingəçevirturizmkolleci #azərbaycanturizmagentliyi #mtk #tələbə #karyera #cv