BioGarden aqroturizm təsərrüfatında Mingəçevir Turizm Kollecinin direktoru Kamal Əhmədovun və təsərrüfat sahibi Etibar Nuriyevin kollecin “Aqroturizm” ixtisası üzrə ilk buraxılış qrupunun istehsalat təcrübəsi keçən tələbələri ilə görüşü keçirilib.

Görüşdə Etibar Nuriyev istehsalat təcrübəsinin keçirilməsi və mövcud resursların təcrübə vaxtı istifadə imkanları, aqroturizm təcrübələrinin BioGarden təsərrüfatında tətbiq edilməsi, turistlərin qarşılanması, problemli qonaqlarla işləmə qaydası haqqında geniş və ətraflı məlumat verib. Tələbələrin sualları cavablandırıb. Görüş qarşılıqlı müzakirələr fonunda davam edib.