Mingəçevir Turizm Kollecində “Sosial medianın insana təsiri” mövzusunda maarifləndirici qrup görüşü təşkil edilib.

Görüş zamanı kollecin psixoloqu Tamara Uğurluyeva tərəfindən sosial medianın fərdlərin psixoloji vəziyyətinə, davranış modellərinə və sosial münasibətlərinə təsiri elmi-nəzəri baxımından təhlil edilib.

Görüşdə sosial şəbəkələrdən düzgün və məqsədyönlü istifadənin əhəmiyyəti, informasiya təhlükəsizliyi, rəqəmsal asılılıq riskləri və onların qarşısının alınması yolları iştirakçıların diqqətinə çatdırılıb. Eyni zamanda, tələbələrin mövzu ilə bağlı fikirləri dinlənilib, qarşılıqlı müzakirələr aparılıb və praktik tövsiyələr verilib.