Mingəçevir Turizm Kollecində 6 noyabr 2025-ci il tarixində “Uşaq hüquqları aylığı” çərçivəsində “Uşaq hüquqlarının qorunması” mövzusunda tədbir keçirilib. Tədbirdə kollecin baş hüquqşünası Günel Musayeva, hüquqşünas Qənimət Hüseynov və şəhid Alim İbrahimovun qardaşı Aydın İbrahimov çıxış ediblər. Kollecin hüquq müəllimi Qənimət Hüseynov öz çıxışında uşaq hüquqlarının qorunması ilə bağlı qanunvericiliyin əsas müddəalarını diqqətə çatdırıb və uşaqlar üçün təhlükəsiz inkişaf mühitinin formalaşdırılmasında maarifləndirmə və məsuliyyətli yanaşmanın xüsusi əhəmiyyət kəsb etdiyini qeyd edib. Daha sonra, kollecin Baş Hüquqşünası Günel Musayeva uşaq hüquqlarının müdafiəsinə dair əsas hüquqi yanaşmaları təqdim edərək bu sahədə sistemli maarifləndirmənin vacibliyini vurğulayıb. Tədbirin gedişatında videoçarx nümayiş etdirilib. Sonda müəllimlər və tələbələr uşaq hüquqlarının qorunması mövzusunda öz fikirlərini söyləyiblər.