Mingəçevir Turizm Kollecində 9 aprel 2025-ci il tarixində Xalq artisti, aktyor Valeh Kərimov və Mingəçevir Dövlət Dram Teatrının əməkdaşlarının tələbələrlə görüşü keçirilib. Valeh Kərimov çıxışında Azərbaycan teatr sənətinin yaranması və inkişafı haqqında tələbələrə məlumat verib. Milli ruhun yüksəldilməsində, hər bir xalqın mədəniyyətinin inkişafında teatrların rolunun danılmaz olduğunu vurğulayıb. Sənətkar çıxışında aktyorluq sənətinə gəlişi və oynadığı rollardan bəhs edib. Həmçinin görüşdə quruluşçu rejissor və baş rolun ifaçısının xalq artisti Valeh Kərimovun olduğu İsi Məlikzadənin “Gəl qohum olaq” tamaşasından səhnəcik göstərilib. Sonda tələbələrin sualları cavablandırılıb.