“Mingəçevir şəhərinin 75 illiyi ” ilə bağlı tədbirlər planına müvafiq olaraq Mingəçevir Turizm Kollecinin bir qrup müəllim və tələbələri Azərbaycan İstilik Elektrik Stansiyası və Mingəçevir Su Elektrik Stansiyasında ekskursiyada olublar. Əvvəlcə Azərbaycan İES – də ekskursiyada olan tələbələrə 1974 – cü ildə Ümummilli lider Heydər Əliyevin təşəbbüsü ilə tikintisinə başladılan İES – in birinci blokunun 1981 – ci ildə, sonuncu 8-ci blokunun isə 1990-cı ildə istismara verilməsi və respublikanın energetika sistemində xüsusi rolu və əhəmiyyəti haqqında məlumat verildi. Daha sonra Mingəçevir Su Elektrik Stansiyasında ekskursiyada olan tələbələrə qeyd olundu ki, 424 MVt gücündə olan SES – in əsaslı yenidənqurmadan sonra istismara verilməsi mərasimində Azərbaycan Respublikası Prezidenti cənab İlham Əliyev iştirak edib, Azərbaycanın enerji təminatında Mingəçevir SES – nin əhəmiyyəti və çəkisini xüsusi vurğulayıb.Ekskursiya müəllim və tələbələr tərəfindən maraqla qarşılanıb.