Mingəçevir Turizm Kollecinin “Muzey işi və abidələrin qorunması ” və “Turizm bələdçiliyi” ixtisası tələbələri “Heydər Əliyev ili” və “Mingəçevir şəhərinin 75 illiyi” ilə bağlı tədbirlər planına uyğun olaraq Heydər Əliyev Mərkəzində və Mingəçevir şəhər Tarix muzeyində ekskursiyada olublar. Heydər Əliyev Mərkəzində ekskursiya zamanı tələbələr Azərbaycan xalqının Ümummilli lideri, müstəqil Azərbaycan dövlətinin qurucusu, görkəmli siyasi və dövlət xadimi Heydər Əliyevin həyat yolu və ölkəmizin inkişafında göstərdiyi xidmətləri haqqında məlumat əldə ediblər. Tələbələr Ulu Öndərin həyat fəaliyyətini əks etdirən fotoşəkil və eksponatlarla tanış olublar. Daha sonra Tarix muzeyində olan tələbələr muzeyin fəaliyyəti ilə yaxından tanış olub, burada qorunub saxlanılan eksponatlar və Mingəçevirdə arxeoloji qazıntılar haqqında ətraflı məlumatlar əldə ediblər. Muzeyin əməkdaşları bələdçi peşəsi üçün vacib olan bilik və bacarıqlar, muzey fəaliyətinin təşkili və idarəedilməsi haqqında tələbələrlə fikir mübadiləsi aparıblar. Ekskursiya tələbələr tərəfindən maraqla qarşılanıb.