27 sentyabr 2023-ci il tarixində Mingəçevir Turizm Kollecinin rəhbərliyi və əməkdaşlarından ibarət kollektivi Vətən müharibəsinin üçüncü il dönümü ərəfəsində Mingəçevir Şəhər Şəhidlər Xiyabanını ziyarət edib. Kollektiv Şəhidlər Xiyabanında Vətən müharibəsi, həmçinin Ermənistan silahlı qüvvələrinin təxribatının qarşısının alınması zamanı canlarından keçən şəhidlərimizin xatirəsini anaraq, məzarları üzərinə güllər düzüblər. Kollektiv şəhidlərimizin məzarı önündə hörmət duruşu nümayiş etdirib, onların əziz ruhuna etiramlarını ifadə edib.Daha sonra kollecin əməkdaşları Mingəçevir Şəhər İcra Hakimiyyətinin təşkil etdiyi tədbiri izləyib. Günün ikinci yarısında kollecin rəhbərliyi, əməkdaşları və tələbələrinin iştirakı ilə anım gününə həsr olunmuş dəyirmi masa təşkil olunub. Tədbirdə öncə şəhidlərimizin müqəddəs ruhu bir dəqiqəlik sükutla yad edilib, dəyirmi masanın gündəliyinə uyğun olaraq müəllim və tələbələr öz məruzələri ilə çıxış ediblər.