27 noyabr 2024-cü il tarixində Mingəçevir Turizm Kollecində “QİÇS-ə Yox De” adlı tədbir həyata keçirilib. Tədbirdə Azərbaycan Respublikası Səhiyyə Nazirliyi Respublika QİÇS-lə Mübarizə Mərkəzi Mingəçevir Regional Laboratoriyasının müdiri Yeganə Aslanova və Azərbaycan Jurnalistlər Birliyinin və Beynəlxalq Jurnalistlər Federasiyasının üzvü, teleaparıcı (EL TV) İnqilab Şirinli çıxış edib. Y.Aslanova İİV-infeksiyası və QiÇS nədir?, İİV/QİÇS-in kəşfi və tədqiqi tarixi barədə danışıb. Bundan əlavə İİV-infeksiya mənbəyi, İİV-ə yoluxma yolları və insan orqanizmində törətdiyi fəsadlar haqqında geniş məlumatlar verilib. Tədbir zamanı müəllimlərin və tələbələrin təklifləri nəzərə alınıb. Həmçinin verilən suallar Y.Aslanova tərəfindən dolğun şəkildə cavablandırılıb.