27.12.2024-cü il tarixində Mingəçevir Turizm Kollecinin rəhbər heyəti Naftalan şəhərində “TABIA Group” un tərkibində Yeni Naftalan Hotel Company MMC, Yeni Çinar Hotel Company MMC və Azbisnesservis MMC – nin rəhbər heyəti ilə görüşüb. Görüşdə gələcək perspektivlər, qeyd olunan müəssisələrdə kollecdə mövcud ixtisaslar üzrə tələbələrin təcrübə keçməsi, məzunların açıq vakansiyalar haqqında məlumatlandırılması və onların ixtisas profili üzrə karyera imkanlarının dəstəklənməsi, tərəflərin nümayəndələrinin iştirakı ilə konfransların, təlimlərin, ustad dərslərin və seminarların təşkili, ictimai əhəmiyyət kəsb edən digər təşəbbüslərin birgə dəstəklənməsi istiqamətində müzakirələr aparılıb. Görüşdə həmçinin Azərbaycan Dövlət İqtisad Universitetinin Zaqatala filialı və Naftalan Peşə Məktəbinin rəhbər heyəti iştirak edib.