24 Oktyabr 2024-cü il tarixində Mingəçevir şəhər Yaşar Məmmədzadə adına stadionda “Zəfər Günü” ilə bağlı atletikanın estafet, 100 metr məsafəyə qaçış və kros növləri üzrə yarış keçirilib.

Yarışda Azərbaycanın Dövlət Turizm Agentliyi Mingəçevir Turizm Kollecinin tələbələrindən ibarət komandalar iştirak edib. Oğlanlar atletikanın estafet, 100 metr məsafəyə qaçış, kros, qızlar isə 100 metr məsafəyə qaçış və kros növlərində mübarizə aparıblar. Yüzlərlə azarkeş isə öz komandalarının uğur qazanması üçün qələbə şüarları səsləndirib.

Sonda kollecin direktoru Kamal Əhmədov tərəfindən qaliblərə sertifikatlar təqdim olunub.

Tədbirin təşkilində göstərdiyi dəstəyə görə Yaşar Məmmədzadə adına şəhər stadionunun rəhbərliyinə təşəkkür edirik.